જુનિયર હોકી વિશ્વકપની બેલ્જિયમ અને પાકિસ્તાન વચ્ચેની મેચમાં અંતિમ 10 મીનીટમાં બેલ્જિયમ દ્વારા કરાયેલ બે ગોલને કારણે પાકિસ્તાન સામેની મેચમાં 2-2ની બરોબરી કરી ક્વાર્ટર ફાઇનલમાં જગ્યા બનાવી લીધી છે. પાકિસ્તાન સામેની મેચમાં 2-2થી બરાબરી રહેતા બેલ્જિયમે પૂલ-એમાં અંતિમ 8માં પોતાનું સ્થાન નક્કી કરી લીધું છે.
જુનિયર હોકી વર્લ્ડકપની મેન્સના વર્તમાન ચેમ્પિયન જર્મનીએ એકતરફના મુકાબલામાં મિસ્રને 6-0થી હરાવીને જુનિયર વર્લ્ડકપની ક્વાર્ટર ફાઇનલમાં પ્રવેશ કરી લીધો છે. બેલ્જિયમની ટીમ એક સમયે 0-2થી મેચમાં પાછળ હતી તેવા સમયે પ્લેનેવાક્સે 60 તેમજ 65મી મીનીટમાં ગોલ કરી ટીમને બરાબરી પર લાવી દીધી હતી. આ અગાઉ પાકિસ્તાન તરફથી મોહંમદ દિલબરે 41 તેમજ 54મી મીનેટ ગોલ કર્યા હતા. આ સાથે બેલ્જિયમની ટીમ ગ્રુપ-એમાં 2 જીત તેમજ 1 ડ્રો સાથે 7 પોઇન્ટની સાથે પ્રથમ રહી છે. ત્યારે તેનો ક્વાર્ટર ફાઇનલમાં ગ્રુપ-બીની બીજા નંબરે રહેલી ટીમ ફ્રાંસ સાથે યોજાશે.
DT/MS
Reader's Feedback: