જર્મનીની કોર્ટમાં એચટીસી વિરુદ્ધ સતત ચાર મુદ્દે કેસ જીતેલી નોકિયા સામે આખરે તાઈવાનની કંપનીએ હાથ મિલાવી લીધો છે. તાઈવાનની સ્માર્ટફોન બનાવતી કંપની એચટીસીએ જાહેરાત કરતાં જણાવ્યું હતું કે તેણે ફિનલેન્ડની ફોન કંપની નોકિયા સાથે પેટન્ટ અને ટેકનિકલ મુદ્દા માટે પારસ્પરિક સમજૂતી કરી લીધી છે. જેના પરિણામે બંને કંપનીઓ વચ્ચે વર્ષોથી ચાલ્યા આવતા વિવાદનો અંત આવ્યો છે.
એચટીસીએ એક નિવેદનમાં જણાવ્યું હતું કે સમજૂતી મુજબ તે ફિનલેન્ડની કંપની નોકિયાને અમુક રકમ ચૂકવશે અને બંને કંપનીઓ પરસ્પર એચટીસીના એલટીઈ (4જી નેટવર્ક)ના પેટન્ટમાં મદદ કરશે તથા નોકિયા પણ એચટીસીને વધુ લાયસન્સ માટે રજૂઆત કરશે.
નિવેદનમાં એમ પણ જણાવવામાં આવ્યું છે કે બંને કંપનીઓ ટેકનિકલ ક્ષેત્રમાં વધુ મદદની સંભાવનાની તપાસ કરશે. સમજૂતીની શરતો જાહેર કરવામાં આવી નથી.
MP
Reader's Feedback: