પાકિસ્તાનમાં લઘુમતીઓનું જીવન દિવસેને દિવસે મુશ્કેલ થઈ રહ્યું છે. ત્યાં રહેતાં હિન્દુઓને ખૂબ જ આકરી પરિસ્થિતિઓમાંથી પસાર થઈ રહેવું પડ્યું છે. પાકિસ્તાનમાં હિન્દુ છોકરીઓનું અપહરણ કરીને બળજબરીથી તેમનું ધર્માંતરણ કરાવવામાં આવી રહ્યું હોવાનો ખુલાસો થવા પામ્યો છે.
મૂવમેન્ટ ફોર પીસ એન્ડ સોલિડેરિટી ઈન પાકિસ્તાન (એમએસપી)ના જણાવ્યા મુજબ ગત વર્ષે 700 ઈસાઈ તથા 300 હિન્દુ છોકરીઓનું ધર્મ પરિવર્તન કરાવવામાં આવ્યું હતું. જેમના લગ્ન તેમની મરજી વિરુદ્ધ મુસલમાન સાથે કરાવવામાં આવ્યા હતા. એસએમપીમાં જણાવવામાં આવ્યું છે કે, 12થી 25 વર્ષની ઉંમરની છોકરીઓનું પહેલા અપહરણ કરી લેવામાં આવે છે, બાદમાં તેમને ઈસ્લામ કબૂલ કરાવવામાં આવ્યા બાદ મુસલમાન સાથે નિકાહ કરી દેવાય છે.
ધર્માંતરણ કરીને મુસલમાન બનતાં જ છોકરીનું જીવન નર્કાગાર બહની જાય છે. તેની સાથે ક્રૂર વ્યવહાર કરવામાં આવે છે. ઘણીવાર તેની સાથે દુષ્કર્મ કરવામાં આવે છે તો અમુક કિસ્સાઓમાં તેમને વેશ્યાલયમાં પણ ધકેલી દેવામાં આવતી હોય છે.
MP
Reader's Feedback: