Home» Gujarat» Other» Fire in house at karamsad

કરમદસમાં આગને કારણે લોકોની ચિંતા વધારી

એજન્સી | December 09, 2013, 05:28 PM IST

આણંદ :

આણંદ તાલુકાના કરમસદ ગામના માળીવાળા ફળિયામાં આજે સોમવારે 9મી ડિસેમ્બરના રોજ સવારે એક મકાનમાં ગેસ બોટલ લીકેજ થતાં આગ ફાટી નીકળી હતી. જેના કારણે ઘરમાં નુકશાન થયું હતું. જ્યારે ઘરના યુવાનને શ્વાસમાં ગેસ આવી જતાં ગંભીર અસર થઈ હતી જેથી તેમને તાત્કાલિક સારવાર હેઠળ કરમસદ કૃષ્ણ હોસ્પિટલમાં ખસેડવાની ફરજ પડી હતી.

 
કરમસદ માળીવાળા ફળિયામાં શંભુભાઈ પટેલના મકાનમાં આજે સવારે રસોડામાં મુકેલ ગેસનો બોટલ લીકેજ થયો હતો. જેની વાસ પ્રસરી જતાં શંભુભાઈનો પુત્ર જીગ્નેશ જોવા ગેસના બોટલને ચેક કરવા માટે રસોડામાં ગયો હતો. તે વખતે રૂમમાં ગેસનું પ્રમાણ વધી ગયેલ હતું જે કારણોસર તેઓ બેભાન થઈ ગયા હતા. આ ઉપરાંત ગેસે જોતજોતામાં આગ પકડી લીધી હતી. જેની અસરથી રસોડું આગમાં લપેટાઈ ગયું હતું. આ બાબતની જાણ કરમસદ પાલિકાને થતાં જ ત્યાંથી ફાયરબ્રિગેડને બોલાવી દેવામાં આવી હતી. જેમણે તૈયારીમાંજ પાણીનો મારો શરૂ કરી દીધો હતો. જેના કારણે આગ વધુ પ્રસરે તે પહેલાં જ ઓલવાઈ ગઈ હતી અને મોટા નુકશાનથી મકાન બચી ગયું હતું. તદ્દઉપરાંત આ ઘટનાની જાણ ધારાસભ્ય દિલીપભાઈ પટેલને થતાં જ તેઓ પણ ઘટનાસ્થળની મુલાકાતે પહોંચી ગયા હતાં.
 
સ્થાનીય લોકોના મતે અચાનક સવારે લાગેલી આ આગથી સમગ્ર વિસ્તારના શ્વાસ અધ્ધર થઈ ગયા હતા. એકબીજાને અડીને આવેલા મકાનને કારણે આગ લાગવાની સાથે જે લોકો ચિંતામાં મુકાઈ ગયા હતા. આગને જાતે કાબુમાં લેવાના પ્રયત્નો શરૂ થઈ ગયા હતા. તેમ છતાં નિષ્ફળતા મળતાં લોકો ચિંતમાં મુકાઈ ગયા હતા અંતે ફાયરબ્રિગડ સમયસર આવી જતા લોકોએ નિરાંતનો શ્વાસ લીધો હતો.
 
 
RP/DT/MS

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 80.00 %
નાં. હારી જશે. 19.35 %
કહીં ન શકાય. 0.65 %