એરટેલ મોબાઈલે ભારતમાં મોબાઈલ પર 4G સર્વિસ લોન્ચ કરીને ભારતના પ્રથમ 4G સર્વિસ પ્રોવાઈડર બનવાનું બહુમાન મેળવ્યું છે. સૌથી પહેલા આ સેવા બેંગ્લોરમાં શરૂ કરવામાં આવી છે. ભારતના અન્ય શહેરોના ગ્રાહકો પણ આનો લાભ મેળવી શકશે.
એરટેલે 4G સેવા 3Gની કિંમતો પર આપવાનો નિર્ણય કર્યો છે. 4G સર્વિસ દ્વારા વપરાશકર્તા એચડી વીડિયો કોઈપણ જાતના બફર વિના જોઈ શકશે અને માત્ર 3 મીનીટમાં ફોન પર ફૂલ લેન્થની મૂવી ડાઉનલોડ કરી શકશે. હાલમાં એવા સેવા માત્ર આઈફોન 5S અને 5C પર જ મળશે. ભારતમાં 4G સર્વિસ 2300 મેગાહર્ટઝના ફ્રિકવન્સી બેન્ડ પર મળી રહી છે. જેને ભારતમાં માત્ર આ બે ફોન જ સપોર્ટ કરે છે.
ભારતી એરટેલ ઈન્ડિયાના ડાયરેક્ટર ઓફ કન્ઝ્યુમર બિઝનેસ શ્રીની ગોપાલને જણાવ્યું હતું કે, અમને આશા છે કે આ બેંડને સપોર્ટ કરતાં ઘણા ડિવાઈસો ભારતમાં આવશે. ચીને પણ આ ફ્રિકવન્સી બેન્ડ પર 4G સ્પેકટ્રમ આપ્યું છે, જેના કારણે આ ડિવાઈસ બનાવવામાં મુશ્કેલી આવશે.
ભારતમાં 4G સ્પેકટ્રમની ફાળવણી 1800 મેગાહર્ટઝ પર કરવામાં આવી છે. જોકે, ઓપરેટરો તરફથી સેવા શરૂ કરવામાં થોડોક સમય લાગશે. એરટેલે મોડેમ અને ડોંગલ વડે ચાર શહેરોમાં 4G સેવા લોન્ચ કરી હતી. આ કંપનીના 95 લાખ ગ્રાહકો 4G ઈન્ટરનેટ સેવાનો ઉપયોગ કરી રહ્યા છે. 4G શરૂ થયા બાદ એરટેલનો ઘણો ફાયદો થઈ શકે છે.
પોસ્ટપેઈડ ગ્રાહકો રૂપિયા 1500માં 30 દિવસ સુધી 10 જીબી ડેટા અપલોડ-ડાઉનલોડ કરી શકશે. આ ઉપરાંત ઓછી કિંમતની સ્કીમોમાં પણ ઘણી ઓફર્સ છે. 4Gની સ્પીડ 3G કરતાં 10-15 ગણી વધારે હોય છે.
MP
Reader's Feedback: