લાખેણી નેનોનું જાન્યુઆરી 2008માં લોન્ચિંગ કરવામાં આવ્યું ત્યારે દુનિયાની સૌથી સસ્તી કારનું વેચાણ ખરાબ માર્કેટિંગના કારણે પ્રભાવિત થયું હતું તેમ જાણીતા વિજ્ઞાની તથા ટાટા મોટર્સના બોર્ડ મેમ્બર રઘુનાથ માશેલકરે જણાવ્યું હતું.
માશેલકરે કહ્યું હતું કે, સસ્તી કારના બદલે તેની યૂએસપી અગત્યતા હોવી જોઈએ. તાજેતરમાં જ પદ્મ વિભૂષણથી સન્માનિત કરવામાં આવેલા માશેલકરે ગત સપ્તાહે બેંક વડાઓની એક બેઠકમાં કહ્યું હતું કે, નેનો એક જબરજસ્ત કાર છે અને તેમાં 88 પેટન્ટનો સમાવેશ થાય છે. તેથી તેની સર્વોપરિતા સામે લાવવી જોઈતી હતી અને તેની કિંમતને પાછળ રાખી દેવી જોઈતી હતી.
રતન ટાટાના સપનાની કાર શરૂઆતથી જ ઘણી અડચણોનો સામનો કરી રહી છે અને તેને નવા રંગરૂપમાં રજૂ કર્યા બાદ પણ તેનું વેચાણ ઘટી રહ્યું છે. ચાલુ વર્ષે એપ્રિલથી ઓક્ટોબર દરમિયાન 12,322 નેનો કારની સામે ગત વર્ષે 12,322 કારનું વેચાણ થયું હતું.
ઓછા વેચાણના કારણે કંપની તેના સાણંદ પ્લાન્ટની ક્ષમતાનો 10મા ભાગનો પણ ઉપયોગ કરી શકતી નથી. સાણંદ પ્લાન્ટની વાર્ષિક ક્ષમતા 2.50 લાખ કાર બનાવવાની છે.
MP
Reader's Feedback: