Home» Travel -Tourism» National Tourism» Registration for amarnath yatra 2013 begins on march 18

અમરનાથયાત્રા માટે આજથી નોંધણી

IANS | March 18, 2013, 11:40 AM IST

જમ્મૂ :

આ વર્ષે યોજાનારી વાર્ષિક અમરનાથયાત્રા માટે તીર્થયાત્રિકોની નોંધણી આજે 18 માર્ચથી શરૂ કરવામાં આવશે. શ્રી અમરનાથ શ્રાઈન બોર્ડના મુખ્ય કાર્યકારી અધિકારી નવીન કે. ચૌધરીએ જણાવ્યું હતું કે અમરનાથયાત્રાના બંને માર્ગો બાલતાલ અને ચંદનવાડી માટે સોમવારથી દેશભરમાં જમ્મુ-કાશ્મીર બેંક, ભારતીય સ્ટેટ બેંક, પંજાબ નેશનલ બેંક, યસ બેંક અને એચડીએફસી બેંકની 422 શાખાઓમાં આ પ્રક્રિયા શરૂ થશે.

આ વર્ષે 55 દિવસની આ યાત્રા 28 જૂને શરૂ થઈને 21 ઓગસ્ટના રોજ રક્ષાબંધન સુધી ચાલશે. તીર્થયાત્રિકોની નોંધણી માટે જે પ્રક્રિયાઓનું પાલન કરવાનું છે તેની વિગતવાર માહિતી બોર્ડની વેબસાઈટ પર ઉપલબ્ધ છે. તેમાં અરજીપત્રક અને બેંક શાખાઓની રાજ્યવાર યાદી સરનામાં સાથે ઉપલબ્ધ છે.

ચૌધરીએ કહ્યું હતું કે અરજદારોએ નોંધણી કરાવતી વખતે એક આરોગ્ય વિષયક પ્રમાણપત્ર ફરજિયાત આપવું પડશે. તેનું ફોર્મેટ અને એ માટે અધિકૃત તબીબો અને સંસ્થાઓની રાજ્યવાર યાદી પણ વેબસાઈટ પર મૂકવામાં આવી છે. તેઓએ કહ્યું હતું કે 1 માર્ચ પછીનાં પ્રમાણપત્રો માન્ય ગણવામાં આવશે. 13 વર્ષથી નીચેના 75 વર્ષથી વધુ વયના લોકો તેમજ છ સપ્તાહથી વધુ સમયનો ગર્ભ ધરાવતી મહિલાઓની નોંધણી આ યાત્રા માટે કરવામાં નહીં આવે.


JD / YS

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 80.92 %
નાં. હારી જશે. 18.61 %
કહીં ન શકાય. 0.47 %