ઓડિશા અને આંધ્ર પ્રદેશના તટવર્તીય વિસ્તારોથી અથડાતા ‘ફેલીન’ તોફાનથી થયેલા વિનાશની તસ્વીરો હવે સામે આવી રહી છે. તોફાન પછી હવે કેટલાક વિસ્તારમાં પૂર જેવું વાતાવરણ ઉભું થઈ ગયું છે. પ્રશાસન સામે બચાવ કાર્ય એક પડકારરૂપ બાબત છે. હવે પ્રશાસનની ચિંતા પૂરમાં ફસાયેલા લોકોને સલામત રીતે બાહર નીકાળવાની છે.

પ્રશાસન મુજબ એકલા ઓડિશાના કરોડથી વધારે લોકો તોફાનથી પ્રભાવિત થયા છે. તોફાનમાં કુલ મળીને 25 લોકોની મોત થઈ. ઓડિશાના 12 જિલ્લાના 14,514 ગામ પ્રભાવિત થયા છે. ‘ફેલીન’થી 2 લાખ 34 હજાર કાચા અને પાક્કા મકાન ધરાશયી થયા છે અને અમુકને મકાનમાં ભારે નુકશાન થયું છે. જો કે નુકશાનનો આંકડો કદાચ આના કરતા વધારે હોઈ શકે છે.

બીજી બાજુ આંધ્ર પ્રદેશના શ્રીકાકુલમમાં ફસાયેલા અંદાજે 80 લોકોને કાલે રાતે સલામત રીત નિકાળવામાં આવ્યા. આંધ્ર પ્રદેશમાં 1 લાખ 34 હજાર લોકો હજી પણ રાહત શિબિરમાં છે. આ સિવાય 2400 કરોડ રૂપિયાનું પાકને નુકશાન થયું છે લાખો મકાન અને ઝાડના ઘસારાના કારણે આ પાકને અસર થઈ છે અને કેટલીક મોત પણ થઈ છે. ભારે હવા અને સમુદ્રથી ઉઠતી લહેરોએ સંચાર, વિજળી અને પરિવહન વ્યવસ્થાને પણ સ્થગિત કર્યું છે. જે નુકશાનની ગણતરી હવે કરવામાં આવશે.

PD