ઈસ્લામાબાદ :
પાકિસ્તાનમાં અમેરિકાના વિશેષ કમાંડોના હાથે માર્યા ગયેલા અલકાયદના વડા અને દુનિયાના જાણીતા આતંકવાદી ઓસામા બિન લાદેનના નામ પરથી એક લાયબ્રેરી બનાવાઈ છે. મહિલાઓ માટે મદરેસા ચલાવનારા વિવાદાસ્પદ કટ્ટરપંથી ઈસ્લામિક ગુરુ મૌલાના અબ્દુલ અજીજે લાદેનના સન્માન માટે તેના નામ પરથી લાયબ્રેરીનું નામ રાખ્યું છે.
ઉલ્લેખનીય છે કે મૌલાના અબ્દુલ અજીજ લાલ મસ્જિદનું સંચાલન કરે છે. સૈન્ય શાસક પરવેઝ મુશર્રફના શાસન દરમિયાન આ મસ્જિદ વિરુદ્ધ લશ્કરી કાર્યવાહી કરવામાં આવી હતી. પાકિસ્તાનની ખાનગી ચેનલને આપેલા એક ઈન્ટરવ્યુ માં અજીજે કહ્યું હતું કે, ઓસામા અન્ય માટે આતંકવાદી હોઈ શકે છે. પરંતુ અમે તેને આતંકવાદી માનતા નથી. અમારા માટે તેઓ ઈસ્લામના હીરો હતો. તે શહીદ છે. શો દરમિયાન પુસ્તકાલયની બહાર ટીંગાડવામાં આવેલું બોર્ડ પણ બતાવવામાં આવ્યું હતું. જેમાં લખેલું છે કે ઓસામા બિન લાદેન શહીદ.
અમેરિકાના વિશેષ સૈન્ય દળે મે 2011માં પાકિસ્તાનના અબોટાબાદમાં ઓસામા બિન લાદેનને માર્યો હતો. મુશર્રફના શાસન દરમિયાન 2007માં લાલ મસ્જિદમાં કરવામાં આવેલી સૈન્ય કાર્યવાહીમાં અજીજના ભાઈ રશીદનું મોત થયું હતું. જેમાં 58 પાકિસ્તાની સૈનિકો અને મદરેસાના એક વિદ્યાર્થીનું પણ મોત થયું હતું.
MP
Reader's Feedback: