નર્સરી એડમિશન બાબતે હવે 2જીમેએ થશે સુપ્રીમમાં સુનાવણી

Agencies | April 29, 2014, 01:07 PM IST

નવી દિલ્હી :

નર્સરી એડમિશન મામલામાં આજે સુપ્રીમ કોર્ટમાં એકવાર ફરી સુનાવણી ટાળવમાં આવી છે હવે આગામી સુનાવણી 2જીમેના રોજ થશે. સુપ્રીમ કોર્ટે દિલ્હી સરકારની એડમિશન નીતિ પર સવાલ ઉઠાવ્યા હતા. સોમવારે નર્સરી એડમિશન મામલાની સુનાવણી દરમ્યાન કોર્ટે દિલ્હી સરકારના પગલા પર સવાલ ઉઠાવતા કહ્યું કે વારંવાર નર્સરી એડમીશનની ગાઈડલાઈન્સ બદલવામાં આવી. કોર્ટે સરકારને આદેશ આપ્યો હતો કે તેઓ દિલ્હીની દરેક શાળાને પૂછે કે શું ટ્રાન્સફર ક્વોટાના 4 – 5 સીટો વધારવામાં આવી શકે છે.

આ બાબત પર સરકારને આજે જવાબ આપવાનો હતો, આ સિવાય સુપ્રીમ કોર્ટ એવું પણ સ્પષ્ટ કરી દીધું છે કે તેઓ નર્સરી એડમિશનના મામલાનો જલ્દી જ પૂરો કરવામાં આવશે. ઉલ્લેખનીય છે કે દિલ્હી હાઈકોર્ટે નર્સરી એડમીશનની પ્રક્રિયા શરૂ કરવાને લીલી ઝંડી આપી દીધી હતી, જેના વિરોધમાં કેટલાક માતા – પિતાએ સુપ્રીમ કોર્ટ ગયા હતા ત્યારથી દિલ્હીમાં નર્સરી એડમિશન પર સ્ટે લગાવવામાં આવ્યો છે.

PK