છત્તીસગઢના નકસલીઓ પ્રભાવિત બસ્તર લોકસભા વિસ્તારમાં મતદાનના બે દિવસ બાદ નકસલિઓની બે ટૂકડી દ્વારા મતદાન દળ અને પોલીસ ટૂકડી પર હૂમલો કરવામાં આવ્યો હતો. જેમાં કેન્દ્રિય રિઝર્વ પોલીસ બળ (સીઆરપીએફ)ના પાંચ પોલીસ કર્મચારીઓ સહિત 13 લોકના મોત થયાં હતા જ્યારે પાંચ પોલીસ કર્મચારીઓ સહિત 11 લોકો ઘાયલ થયા હતા.
બીજાપુરમાં નકસલિઓએ ઈલેકશન ડ્યૂટીમાં રોકાયેલા અધિકારીઓને લઈ જઈ રહેલી બસને બોંબથી ઉડાવી દીધી હતી. બીજો હુમલો બસ્તરમાં કરવામાં આવ્યો હતો, માઓવાદીઓએ અહિં એમ્બ્યુલન્સ પર હુમલો કર્યો હતો.
પોલીસના જણાવ્યા મુજબ બસ્તરમાં 10 એપ્રિલના રોજ થયેલા વોટિંગ બાદ પોલિંગ પાર્ટી બસમાં સવાર થઈને જિલ્લાના વડામથક જગદલપુર પર આવી રહી હતી. એક જગ્યાએ નકસલિઓએ બોંબ ફિટ કર્યો હતો. બસ જેવી ત્યાંથી પસાર થઈ કે જોરદાર ધડાકો થયો હતો. જેમાં છ લોકોના મોત થયા હતા જ્યારે ડઝનથી વધુ ઘાયલ થયા હતા. બીજી ઘટનમામાં નકસલિઓએ એમ્બ્યુલન્સને નિશાન બનાવી હતી. દરભામાં નકસલિઓએ આરોગ્ય ખાતની સંજીવની એમ્બ્યુલન્સ પર હુમલો કરી દીધો હતો. આ ઘટનામાં પાંચ જવાનો શહીદ થયા હતા.
ઉલ્લેખનીય છે કે બસ્તર લોકસભામાં વોટિંગ દરમિયાન નકસલીઓએ ઘણી જગ્યાએ ફાયરિંગ અને ધડાકા કર્યા હતા. જેમાં અનેક લોકો ઘાયલ થયા હતા. કેટલાક સ્થાનોએ રસ્તાને નુકસાન કરીને ટ્રાફિક થંભાવવાની કોશિશ કરવામાં આવી હતી. વોટિંગ માટે અંતરિયાળ વિસ્તારોમાં ગયેલા પોલિંગ અધિકારીઓ પરત ફરી રહ્યા છે જેમને નકસલીઓ નિશાન બનાવી રહ્યા છે.
MP
Reader's Feedback: