બદરીનાથના મુખ્ય પૂજારી (રાવલ) વી કેશવન નંબૂદરી વિરુદ્ધ દિલ્હીના મહરોલી પોલીસ સ્ટેશનમાં એક મહિલાએ છેડછાડની ફરિયાદ દાખલ કરી છે. દુષ્કર્મના આરોપમાં ધરપકડ કરવામાં આવ્યા બાદ બદરીનાથ કેદારનાથ મંદિર સમિતિના ચેરમેન ગણેશ ગોદિયલે જણાવ્યું હતું કે, રાવલ કેશવ પ્રસાદ નંબૂદરીને પદ પરથી હટાવી દેવામાં આવ્યા છે. તેની જગ્યાએ નાયબ પૂજારી ઈશ્વર નંબૂદરી બદરીનાથના નવા રાવલ (મુખ્ય પૂજારી) રહેશે.
વી કેશવન નંબૂદરીના ધરપકડ બાદ મંદિરના ટ્રસ્ટી બી ડી સિંહે આ મામલો દુર્ભાગ્યપૂર્ણ ગણાવ્યો હતો. તેમણે જણાવ્યું હતું કે ધર્માધિકારીઓની બેઠક બાદ બદરીનાથ માટે નવા રાવલની પસંદગી કરી લેવામાં આવી છે. બદરીધામ મંદિર સમિતિ દ્વારા નાયબ રાવલ ઈશ્વર નંબૂદરીને મુખ્ય પૂજારી તરીકે પસંદ કરી લેવામાં આવ્યા છે.
હોટલમાં છેડછાડનો આરોપ
મહિલાએ આરોપ લગાવ્યો હતો કે તેણી વી કેશવન નંબૂદરીને હોટલમાં મળી હતી. રાવલ વિરુદ્ધ આઈપીસીના કલમ 354 હેઠળ કેસ દાખલ કરવામાં આવ્યો છે. રાવલ છેલ્લા બે વર્ષથી બદરીનાથના મુખ્ય પૂજારી તરીકે સેવા આપતા હતા.
MP
Reader's Feedback: