ટીવી અભિનેતા મનીષ પોલે સુનીલ ગ્રોવરનો શો મેડ ઈન ઈન્ડિયા છોડી દીધો હોવાના સમાચાર છે. મનીષ પોલે આ શો માટે માત્ર 26 એપિસોડનો જ કોન્ટ્રાક્ટ કર્યો હતો, જે હવે ખતમ થવા જઈ રહ્યો છે. 31 માર્ચ મનીષ સિંહનો સેટ પર અંતિમ દિવસ હોઈ શકે છે. આ બાજુ શોની ટીઆરપી પણ ઘટતી જાય છે.
એવા પણ અહેવાલ આવી રહ્યા છે કે સુનીલ ગ્રોવરનો આ શો ટૂંક સમયમાં જ બંધ થઈ જશે. એટલે કહી શકાય કે સુનીલ ગ્રોવરનો સમય સારો નથી ચાલી રહ્યો.
ઓછા ટીઆરપી અંગે સુનીલે જણાવ્યું હતું કે, તેને ટીઆરપીની કોઈ પડી નથી. હું એક અભિનેતા છું. મારું કામ પરફોર્મ કરવાનું છે. તેથી હું ટીવી રિપોર્ટસ તથા ટીઆરપી પર ધ્યાન આપતો નથી. શો દરમિયાન હું મારું 100 ટકા યોગદાન આપવાનો પ્રયાસ કરું છું. હું હકારાત્મક વિચારશ્રેણી ધરાવું છું અને વિશ્વાસ સાથે કહી શકું છું કે શો લારો ચાલી રહ્યો છે તથા પહેલાં કરતાં વધારે સારો જઈ રહ્યો છે.
આ પહેલા સુનીલ ગ્રોવર કલર્સ પરથી પ્રસારિત થતો રિયાલ્ટી શો કોમેડી નાઈટ્સ વિથ કપિલમાં ગુત્થીનો રોલ કરતો હતો. જેના દ્વારા તેના સારી પ્રસિ્ધિ મળી હતી. સુનીલે કોમેડી નાઈટ્સ છોડ્યા બાદ પણ આ શો પર કોઈ અસર થઈ નહોતી અને લોકોએ તેના નવા શોમાં કોઈ રસ દાખવ્યો નહોતો.
MP
Reader's Feedback: