Home» Crime - Disaster» Crime» Justice d k trivedi commission submitted its final report

દીપેશ-અભિષેક કેસમાં ત્રિવેદી પંચે રિપોર્ટ આપ્યો

જીજીએન ટીમ દ્વારા | August 01, 2013, 04:02 PM IST

અમદાવાદ : શહેરના ચકચારી આસારામ આશ્રમના દીપેશ- અભિષેક અપમૃત્યુ કેસમાં જસ્ટિસ ડી.કે. ત્રિવેદી પંચે આખરે આજે રાજ્ય સરકારને આખરી અહેવાલ સુપરત કર્યો છે. સીલબંધ કવરમાં રજુ કરવામાં આવેલા અહેવાલ અંગે તંત્રએ ભારે ચુપકીદી સેવી છે. દીપેશ -અભિષેક અપમૃત્યુ કેસમાં તપાસ માટે નિમાયેલા જસ્ટિસ ડી.કે. ત્રિવેદી પંચ દ્વારા તેનો આખરી અહેવાલ આજે રાજ્ય સરકારમાં સબમિટ કરવામાં આવ્યો છે. બંને બાળકોના મોતની તપાસ તેમજ આસારામ આશ્રમમાં ચાલતી તાંત્રિક વિધિની તપાસ માટે જસ્ટિસ ડી.કે. ત્રિવેદી પંચની રચના કરવામાં આવી છે. જસ્ટિસ ત્રિવેદી પંચની મુદતમાં સરકારે અગાઉ ૯ થી ૧૦ વખત વધારો કર્યો હતો. આજે ૩૧મી જુલાઇના રોજ પંચની મુદતનો આખરી દિવસ હતો. પંચની મુદતમાં આ વખતે વધારો કરવામાં આવ્યો નથી. સૂત્રો દ્વારા જાણવા મળ્યું છે કે જસ્ટિસ ત્રિવેદી પંચે આજે તેમનો આખરી અહેવાલ રાજયના કાયદા વિભાગમાં જમા કરાવી દીધો છે. સીલબંધ કવરમાં રજુ કરવામાં આવેલા તપાસ પંચના અહેવાલમાં શું હશે તે બાબતે તર્ક વિતર્કો ચાલી રહ્યા છે.

ગત તા. ૫મી જુલાઇ ૨૦૦૮ના રોજ સાબરમતી નદીના પટમાંથી દીપેશ વાઘેલા અને અભિષેક વાઘેલાની લાશો પોલીસને મળી હતી. બંને બાળકો આસારામ આશ્રમ સંચાલિત ગરુકુળમાં રહેતા હતા. ૩જી જુલાઇથી બંને બાળકો ગુમ હતા. જોકે આશ્રમ સત્તાવાળાઓએ તેમના વાલીઓને જુદા-જુદા જાદુટોણામાં રોકી રાખી બાળકોની શોધખોળ કરવામાં કે પોલીસ ફરિયાદ નોંધાવવામાં ભારે વિલંબ કર્યો હતો. અપમૃત્યુ પામેલા બંને બાળકોના પિતાએ તેમના સંતાનોને તાંત્રિક વિધિ માટે મારી નાખવામાં આવ્યો હોવાનો આક્ષેપ કર્યો હતો. જે બાબતે હોબાળા બાદ લોકઆંદોલન શરૂ થયું હતું. આખરે તપાસ માટે ઓગસ્ટ ૨૦૦૮માં જસ્ટિસ ડી.કે. ત્રિવેદી પંચની રચના કરવામાં આવી હતી. જસ્ટિસ ત્રિવેદી પંચ દ્વારા તપાસ માટે ૨૦૧૨માં જ આસારામના પુત્ર નારાયણ સાંઇને પંચ સમક્ષ બોલાવ્યા હતા. તેમજ તેમની જુબાની નોંધી હતી. તે સિવાય પંચ દ્વારા ગત તા. ૧લી ડસેમ્બર ૨૦૧૨ના રોજ આસારામને પણ પંચ સમક્ષ બોલાવવામાં આવ્યા હતા. બંને પિતા-પુત્રએ પંચ સમક્ષ હાજર રહેવા અનેક અખાડા કર્યા બાદ પણ તેમને હાજર રહેવું પડયું હતું.

દીપેશ- અભિષેક અપમૃત્યુ કેસમાં સાત સાધકો સામે થયેલી ફરિયાદમાં આરોપીઓ સામે ચાર્જફ્રેમની કાર્યવાહી ૭મી ઓગસ્ટ પર મુલત્વી રહી છે. આ કેસની વિગત એવી છે કે બંને બાળકોના અપમૃત્યુ કેસમાં આરોપીઓ સામે સીઆઇડી ક્રાઇમ દ્વારા ચાર્જશીટ રજૂ કરવામાં આવી હતી. ચાર્જશીટ રજૂ થયા બાદ આરોપીઓ સામે ચાર્જફ્રેમ કરવા આજે આરોપીઓને કોર્ટ સમક્ષ હાજર થવાનું હતું. જોકે એક આરોપી આજે કોર્ટ સમક્ષ હાજર ન થતાં ચાર્જફ્રેમની કાર્યવાહી થઇ શકી ન હતી.

JD/DT

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 80.04 %
નાં. હારી જશે. 19.31 %
કહીં ન શકાય. 0.65 %