Home» Business» Industrial» If anil ambani doesnt reduce power tariffs i will self immolate sanjay nirupam

...તો અનિલ અંબાણીના ઘર સામે અગ્નિસ્નાન કરીશઃ સંજય નિરુપમ

એજન્સી | January 25, 2014, 05:47 PM IST

મુંબઈ :
મુંબઈમાં વીજળીના ભાવ ઘટાડાના મુદ્દાને લઈને આંદોલન પર બેઠેલા કોંગ્રેસ સાંસદ સંજય નિરુપમે અગ્નિસ્નાનની ધમકી આપતા મહારાષ્ટ્ર સહિત દેશભરના રાજકારણમાં ગરમાવો આવી ગયો છે. તેમણે કહ્યું હતું કે જો અનિલ અંબાણી માંગ નહીં સ્વીકારે તો તેમના ઘરની સામે જ હું અગ્નિ સ્નાન કરી લઈશ.
 
સંજય નિરુપમ ઉત્તર મુંબઇના કાંદિવલીમાં રિલાયન્સ એનર્જીના સ્થાનિક કાર્યાલયની બહાર ગુરુવારથી અચોક્કસ મુદતના ઉપવાસ પર બેસેલા છે. પોતાના સમર્થકોને સંબોધતા તેમણે જણાવ્યું હતું કે, મહરાષ્ટ્ર રાજ્ય વીજળી વિતરણ કંપની(મહાવિતરણ) દ્વારા સ્થાનિક ગ્રાહકો, ઉદ્યોગોને વીજળીના દરમાં 20 ટકા કપાતથી બહાર રાખ્યા છે.
 
તેમનો આરોપ છે કે રિલાયંસ એનર્જી દ્વારા મનફાવે એમ બિલ વસુલ કરવામાં આવે છે. તેમણે ઓછામાં ઓછા 20 ટકાનો ઘટાડો કરવાની માંગ કરી છે. તેમના જણાવ્યા મુજ્બ, રિલાયંસ અને રેગ્યુલેટરી બોર્ડ વચ્ચે કશુંક રંધાય છે. જેનો ભોગ આમ લોકો બની રહ્યા છે.
 
સંજય નિરુપમના આરોપને ફગાવતા મહારાષ્ટ્રના મુખ્યમંત્રી પૃથ્વીરાજ ચવાણે જણાવ્યું હતું કે, સરકારે ગત વર્ષે નવેમ્બરમાં આપેલું આશ્વાસન પૂરું કર્યું છે. તેમણે કહ્યું હતું કે રાજ્ય સરકારે 19 નવેમ્બરના રોજ વીજળીના દરમાં 20 ટકાનો ઘટાડો કરવાનું આશ્વાસન આપ્યું હતું. રાજ્ય સરકારના આ ફેંસલાથી સરકારી તીજોરી પર વધારાનો 7200 કરોડનો બોજો પડશે તેમ તેમણે જણાવ્યું હતું.
 
નિરુપમ કોંગ્રેસના લોકસભાના સભ્ય પ્રિયા દત્તની સાથે મુંબઈના વપરાશકારનો વીજળી બીલમાં રાહત અપાવવાની માંગ સાથે ધરણા પર બેઠા છે.
 
MP
 

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 80.92 %
નાં. હારી જશે. 18.61 %
કહીં ન શકાય. 0.47 %