Home» Women» Women Power» G rohini becomes first woman chief justice of delhi high court

જી રોહિણી દિલ્હી હાઈકોર્ટના પ્રથમ મહિલા ચીફ જસ્ટિસ બન્યા

એજન્સી | April 21, 2014, 05:20 PM IST

નવી દિલ્હી :
જસ્ટિલ ગોરલા રોહિણીએ સોમવારે દિલ્હી હાઈકોર્ટના પ્રથમ મહિલા ચીફ જસ્ટિસ તરીકેના શપથ ગ્રહણ કર્યા હતા. આંધ્રપ્રદેશ હાઈકોર્ટમાં જજ રહી ચૂકેલા 58 વર્ષીય રોહિણીએ દિલ્હી હાઈકોર્ટમાં એન.વી.રમનાનું સ્થાન લીધું હતું. જસ્ટિસ રમનાનું પ્રમોશન ફેબ્રુઆરીમાં સુપ્રીમ કોર્ટના જજ રૂપે કરવામાં આવ્યું હતું ત્યારથી જસ્ટિસ બદર દુરેંજ અહમદ તેમની જગ્યા પર કાર્યવાહક જજનું પદ સંભાળી રહ્યા છે.
 
દિલ્હીના ઉપરાજ્યપાલ નજીબ ગંજે જસ્ટિસ રોહિણીને શપથ લેવરાવ્યાં હતા. તેઓ 40 જજવાળી દિલ્હી હાઈકોર્ટમાં 10મી મહિલા જજ હશે અને આ પદ માટે તેમનો સમયગાળો ચાર વર્ષનો હશે. 
 
1955માં જન્મેલા રોહિણીએ હૈદરાબાદની ઉસ્માનિયા યુનિવર્સિટીમાંથી અભ્યાસ કર્યો હતો ત્યારબાદ વિશાખાપટ્ટનમમાં આંધ્ર વિશ્વવિદ્યાલયની કોલેજ ઓફ લોમાં એડમિશન લીધું હતું. ડિસેમ્બર 1980માં તેમણે વકીલાત શરૂ કરી હતી અને આગળ જઈને આંધ્રપ્રદેશ સ્ટેટ બાર કાઉસિંલના અધ્યક્ષ પણ રહ્યા હતા. 2001માં તેઓ એડિશનલ ન્યાયાધીશ તરીકે નિયુક્ત થયા હતા અને 2002માં કાયમી ન્યાયાધીશ બન્યા હતા.
 
શપથ ગ્રહણ કર્યા બાદ તેમણે જણાવ્યું હતું કે, મહિલાઓ સાથે સંકળાયેલા મુદ્દાઓને પ્રાથમિકતા આપવી મારો અગ્ર ક્રમ હશે. 1980માં વકીલાત શરૂ કર્યાં બાદ જસ્ટિસ રોહિણીએ પત્રકાર તરીકે પણ કામ કરી ચૂક્યા છે. ઉપરાજ્યપાલ તથા પોલીસ કમિશ્નરે પણ ભરોસો દાખવ્યો હતો કે, તેમના આવવાથી મહિલાઓમાં આત્મવિશ્વાસ વધશે.
 
દિલ્હીમાં મહિલાઓ પર વધી રહેલા અત્યાચારો અંગેનો રિપોર્ટ ગત સપ્તાહે પોલીસે હાઈકોર્ટને સોંપ્યો હતો. હવે જોવાનું એ રહે છે કે આ કેસોનો જસ્ટિસ રોહિણી કેટલી ઝડપથી નીવેડો લાવે છે.
 
MP

Reader's Feedback:

blog comments powered by Disqus

Today Cartoon

GGN Voice
 
Radisson

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 79.00 %
નાં. હારી જશે. 20.36 %
કહીં ન શકાય. 0.64 %