નાના પડદાની દબંગ લેડી ચંદ્રમુખી ચૌટાલા ફેમ કવિતા કૌશિક આજે ઘર ઘરમાં જાણીતી બની ગઈ છે. સબ ટીવીના જાણીતા શો એફઆઈઆરની ઈંસ્પેક્ટર ચંદ્રમુખી ચૌટાલાના ઘણા ફેન છે. આ શો માટે અત્યારસુધીમાં તેને 48 એવોર્ડ મળી ચૂક્યા છે. 2013માં તેણે આ શો છોડી દીધો હતો પરંતુ દર્શકોની માગના કારણે તે પરત આવી હતી.
ચંદ્રમુખી ઉર્ફે કવિતા કૌશિક અંગે અમે તમને કઈંક એવી વાતો તમારી સાથે શેર કરી રહ્યા છે જેની કાદચ તમને ખબર નહીં હોય. 15 ફેબ્રુઆરી, 1981ના રોજ તેનો જન્મ દિલ્હીમાં થયો હતો. એકટિંગમાં આવતા પહેલાં તેણીએ મોડલિંગમાં પોતાની કેરિયર બનાવવી હતી. કોલેજના દિવસોથી જ કવિતાને ઈવેન્ટ હોસ્ટિંગ અને એંકરિંગનો શોખ રહ્યો છે.
2001માં એકતા કપૂરના શો કુટુંબ માટે તેણે ઓડિશન આપ્યું અને સિલેક્ટ થતાં મુંબઈ આવી હતી. જે બાદ તેણીએ કહાની ઘર ઘર કી તથા કુમકુમ સિરિયલમાં પણ રોલ નિભાવ્યો હતો. આ ઉપરાંત તેણી રીમિક્સ, તુમ્હારી દિશા અને સીઆઈડીમાં પણ નજરે પડી ચૂકી છે. કવિતાએ એક હસીના થી (2004), મુંબઈ કટિંગ (2009), ફિલમ સિટી (2011) અને ઝંઝીર (2013) ફિલ્મમાં નાનો અભિનય કર્યો છે.
ટૂંક સમયમાં જે તે અનિરુદ્ધ ચૌટાલાની પોલિટિકલ વ્યંગ્ય લિલીપોપ સિંસ 1947માં લીડ રોલ કરવા જઈ રહી છે. આ ફિલ્મમાં તેણી દીપક ડોબરિયાલની પત્નીનો રોલ કરશે. ફિલ્મમાં તે જે રફ એન્ડ ટફ અંદાજમાં દેખાય છે તેના કરતાં વાસ્તવિક જીવનમાં એકદમ બોલ્ડ છે. ટીવીના પડદે જે કપડાંમાં તે જોવા મળે છે તેના કરતાં રીયલ લાઈફમાં તેને ફેશનેબલ કપડાં પહેરવા વધુ ગમે છે.
MP
Reader's Feedback: