લખનઉના હજરતગંજમાં આઈસીઆઈસીઆઈ બેંકમાંથી આશરે 11 કરોડ રૂપિયાની નકલી નોટો ઝડપાતાં સનસનાટી મચી ગઈ છે. આ કેસમાં બેંકના રિડનલ હેડ (કરન્સી ઓપરેશન્સ યુપી, ઉત્તરાખંડ) મનીષ પાંડે તરફથી હજરતગંજ કોતવાલીમાં એફઆઈઆર નોંધાવવામાં આવી છે.
પોલિસે કેસની તપાસ ક્રાઈમ બ્રાંચને સોંપી દીધી છે. હજરતગંજ પોલિસે જણાવ્યું હતું કે, કરન્સી ચેસ્ટમાં નોટોની તપાસ દરમિયાન રૂપિયા 10,77,84, 840ની કુલ 3,02,683 નોટો મળી હતી.
સીઓ દિનેશ યાદવે જણાવ્યું હતું કે, નકલી નોટો બેંકની દેશભરમાં આવેલી વિવિધ શાખાઓમાં અલગ અલગ સમયે જમા કરાવવામાં આવી હતી.બંકની કઈ શાખામાં કયા દિવસે કેટલી નોટો જમા કરાવવામાં આવી હતી તેની માહિતી માંગવામાં આવી હતી. પોલિસે નકલી નોટો જમા કરાવનાર બેંકોની તમામ શાખાઓમાંથી સીસીટીવી ફૂટેજ મેળવવાના કોશિશ કરી છે. પોલિસના જણાવ્યા મુજબ તપાસ દરમિયાના નકલી નોટો જમા કરાવનાર લોકોના ચહેરા જણાઈ આવ્યા છે.
આમ તો દરેક બેંકોમાં નકલી નોટ ઓળખવા માટેની સિસ્ટમ હોય છે પરંતુ બેવડી સુરક્ષા માટે ચેસ્ટમાં રાખવાની પણ નિયમિત તપાસ થવી જોઈએ. જો બેંક શાખામાં ઉતાવળથી પણ નકલી નોટ જમા થઈ ગઈ હોય તો કરન્સી ચેસ્ટની તપાસમાં તે બચી શકતી નથી. એક-એક નોટની ઝીણવટભરી તપાસ કરવામાં આવે છે. ચેસ્ટમાં નોટને વ્યવસ્થિત રીતે રાખવામાં આવે છે તેથી કઈ કયા દિવસે કઈ શાખામાં જમા થઈ હતી તેની માહિતી મેળવવાનું મુશ્કેલ થઈ જાય છે.
પોલિસ સૂત્રોનું કહેવું છે કે આમાં 1000 તથા 500 રૂપિયાની નકલી નોટોનું પ્રમાણ વધારે છે. તેથી પોલિસે કેસ દાખલ કર્યો છે તથા આ અંગેની તપાસ ક્રાઈમ બ્રાંચને આપવામાં આવી છે.
MP
Reader's Feedback: