3 દિવસ પહેલા દુર્ઘટનાગ્રસ્ત થયેલુ ભારતીય વાયુસેનાનું C-130J સુપર હરક્યૂલિસ વિમાન અમેરિકા અને કેનેડામાં પહેલાથી તપાસ હેઠળ રહ્યુ છે. એક અંગ્રેજી સમાચાર પત્રએ અમેરિકન સેનેટનાં એક રિપોર્ટને આધારે કહ્યુ કે વિમાનનાં ડિસ્પ્લે સિસ્ટમમાં કેટલાક નકલી પાર્ટ્સ હતા, જેનાથી ડેટા ગુમ થવાની અને વિમાન સફર દરમિયાન દુર્ઘટનાગ્રસ્ત થવાનું જોખમ રહે છે. સમાચાર પત્રએ સેનેટની સૈન્ય સેવાઓની સમિતીની 2011-12ની રિપોર્ટનાં આધારે આ દાવો કર્યો છે.

રિપોર્ટ મુજબ વિમાનનાં સ્પેરપાર્ટ્સ એ ચીનની કંપનીનાં છે, જેના પર અમેરિકાએ વર્ષ 2012માં પ્રતિબંધ મુક્યો છે. એવી આશંકા છે કે ભારતને 6 હજાર કરોડ રૂપિયામાં મળેલા વિમાન આ વિમાન પૈકીનાં જ હતા. રિપોર્ટમાં જણાવ્યા મુજબ ચીનની કંપની હોંગ ડોંગથી ખરિદવામાં આવેલા અંદાજે 84,000 નકલી પાર્ટસ્ વિમાનમાં લાગ્યા હતા. કેનેડાની 2013નાં એક તપાસ રિપોર્ટમાં પણ વિમાનના ઇન્સ્ટ્રમેન્ટ પેનલમાં અનેક ખામીઓ દર્શાવાઇ હતી.

બીજી તરફ ભારતે વિમાનનાં ક્ષતિગ્રસ્ત બ્લેક બૉક્સને તપાસ માટે અમેરિકાની નિર્માતા કંપની લૉકહીડ માર્ટિનને મોકલ્યુ છે. રાજસ્થાન - મધ્યપ્રદેશ બોર્ડર પર ક્રેશ હરક્યૂલિસ વિમાન ક્રેશ થતા 5 જવાનો શહીદ થયા હતા.

DP