ભારતમાં એવિએશન સેક્ટર એટલેકે વિમાન ક્ષેત્રમાં આગામી સમયમાં થોકબંધ નોકરીઓની તક દેખાઈ રહી છે. વિમાન કંપનીઓના કાફલામાં વધુ વિમાનોને ઉમેરવામાં આવ્યા છે. તેના પરિણામે એવિએશન ક્ષેત્રમાં 2017 સુધીમાં કામ કરનારા લોકોની સંખ્યા બે ગણી વધીને 1.17 લાખ થઈ જવાની જરૂર છે. એક રિપોર્ટમાં આ જાણકારી આપવામાં આવી છે.
ફિક્કી કેપીએમજી રિપોર્ટમાં કહેવામાં આવ્યું છે કે વિમાન ક્ષેત્રમાં જરૂરી કુલ માનવ શ્રમબળની સંખ્યા વર્ષ 2011માં 62,000 હતી તે વધીને 2017માં 1,17,000 થવાનો અંદાજ છે. આ માનવ શ્રમબળમાં પાયલોટ, ચાલક દળના સભ્યો, વિમાનના એન્જિનિયર તથા ટેક્નિકવિશેષજ્ઞો (એમઆરઓ), ગ્રાઉન્ડ હેન્ડલિંગ કર્મચારી, પ્રશાસનિક કર્મચારીઓનો સમાવેશ થાય છે.
રિપોર્ટમાં કહેવામાં આવ્યું છે કે, વિમાન ઉદ્યોગમાં પ્રત્યક્ષ રોજગારીની તુલનાએ અપ્રત્યક્ષ રોજગારીમાં લગભગ છ ગણો વધારો થશે. તેમાં એમ પણ કહેવામાં આવ્યું છે કે વર્ષ 2017 સુધી તમામ હવાઈમથકો પર પ્રત્યક્ષ રોજગારની સંખ્ય લગભગ 1,50,000 હશે, જ્યારે ડોમેસ્ટિક ધોરણે 2017 સધીમાં આશરે 10 લાખ લોકોને અપ્રત્યક્ષ તથા સંબંધિત રોજગાર મળવાની આશંકા છે.
ભારત વર્તમાન સમયમાં વિશ્વમાં નવમાં નંબરનું વિમાન બજાર છે. અહીં લગભગ 400 વિમાનો છે. 2020 સુધીમાં વિમાનની સંખ્યા 1000 થવાની તથા ત્રીજું સ્થાન મેળવશે તેમ પણ અહેવાલમાં જણાવવામાં આવ્યું છે.
MP
Reader's Feedback: