મુંબઈ :
દેશના પ્રસિદ્ધ ફિલ્મ ફેસ્ટિવલમાં ગણના પામતા પુણે આંતરરાષ્ટ્રીય ફિલ્મ ફેસ્ટિવલ આવતીકાલ તા.9 જાન્યુઆરીતી શરૂ થશે. 9થી 16 જાન્યુઆરી સુધી ચાલનારા આ ફેસ્ટિવલમાં 200થી પણ વધારે ફિલ્મો દર્શાવવામાં આવશે. 2002માં શરૂ થયેલા ફેસ્ટિવલની આ 12મી આવૃત્તિ છે.
ઇઝરાયલ અને ફ્રાંસ સાથે જોડાયેલી ફિલ્મ ‘અના અરબિયા’થી ફેસ્ટિવલની શરૂઆત થશે. આ ફિલ્મના નિર્માતા અમોત ગિતાઈ છે. મહારાષ્ટ્ર સરકાર અને પુણે ફિલ્મ ફાઉન્ડેશનના સંયુક્ત ઉપક્રમે યોજાનારા આ ફેસ્ટિવલમં ફિલ્મી દુનિયાની જાણીતી હસ્તિઓ ઉપસ્થિત રહેશે.
પુણે આંતરરાષ્ટ્રીય ફિલ્મ ફેસ્ટિવલમાં વિશ્વભરની અલગ અલગ ભાષાની ફિલ્મો દર્શાવવામાં આવશે. અહીંયા કે.આર.મનોજની ભારતીય ફિલ્મ ‘કન્યાકા ટોકિઝ’ને પણ દર્શાવવામાં આવશે.
આ ફેસ્ટિવલમાં ફ્રાંસ, સ્વીડન, હંગેરી, ઇઝરાયલ, સ્પેન તથા સાઉથ કોરિયા દેશોની ફિલ્મોને પણ મહત્ત્વ આપવામાં આવશે. સિનેમા જગતને પોતાના યોગદાનથી રંગીન બનાવનાર લોકોનું પણ સન્માન કરવામાં આવશે. તદ્ઉપરાંત જે લોકોએ હાલમાં જ ફિલ્મી દુનિયાને અલવિદા કહ્યું છે તેમને શ્રદ્ધાંજલિ આપવામાં આવશે.
આ ફેસ્ટિવલમાં ભારતીય ફિલ્મોને પણ વિશેષ દરજ્જો આપવામાં આવ્યો છે. જેમાં મંજૂ બોઢાની ‘કો યાદ’, ઋતુપર્ણા ઘોષની ‘સત્યનવેષી’, કમલેશ્વર મુખર્જીની ‘મેઘે ઢાકા તારા’ પણ દર્શાવવામાં આવશે.
MP
Reader's Feedback: